مدونة ايجى ميوزك

انا عايز افهم بس ايه الصوره المستفزه بتاعه حبيب العادلي دي
مش فاهم هو يعني جاي يتحاكم زي بقيه خلق الله ، ولا هو جاي يعملنا عرض ازياء وشو؟؟
وهو مش المفروض برضه وهو خارج ان فيه عسكري يمسكه و يحط الكلبشات في ايده ؟؟
ولا هو يعني عنده واسطه بقي و محدش يعرف يمكسه ؟؟
داهيه ليكون الناس لسه فاكره انه وزير الداخليه
ده تبقي مصيبه سوده

و بعدين ما شاء الله يعني لا يحسد على النظافه الى هو فيها
يعني و الله مفيش فرق ابدا ابدا بين وهو مسجون و هو كان وزير و لابس البدله كده
ده حتي الناس الى واقفه ، بتتفرج و كانها منبهره بالي شايفاه !!!!
ما هو صحيح حاجه من غرائب الف ليله و ليله ، متهم بيتعامل معامله الملوك !!!!!

لا و ايه كمان نفس التناكه في المشي برضه ؟؟؟
انا عايز اعرف هو السجن ده زي ما كانوا بيقولوا كده تهذيب و اصلاح ، و لا دلوقتي بقي استجمام و راحه ؟؟


ماهو يا إما حبيب العادلي يتعامل زي كل مساجين مصر
يا إما كل مساجــين مصر يتعامــلوا زي حبيــب العادلي

يا لهووووووووووووي على عرض الازياء يا ولاد
طب حد يقولي ايه الفرق بين الصورتين الى تحت دول ، صوره حبيب العادلي ، وصوره واحد من عرض الازياء ؟؟؟





و يعني دي مثلا اهي صوره وحاده متهمه في احداث مجلس الوزراء
و مربوطه في السرير و متعلق في ايدها الكلبشات
ليه هي بقي يتحط في ايدها كلبشات ، و حبيب العادلي لأ ؟؟؟
يعني ايه الزياده الى في حبيب العادلي عن اي متهم تاني ؟؟؟
ما زيه زي غيره ، ايه الفرق بقي ؟؟ مش عارف بصراحه